ബി.പി.എല്‍ കൂടുംബങ്ങള്‍ക്ക്‌ 250 മീറ്റര്‍ വരെ സൗജന്യ സര്‍വീസ് കണക്ഷന്‍|കെ. എസ്. ഇ. ബി സൗജന്യ കണക്ഷൻ |കെ എസ് ഇ ബി ലിമിറ്റഡ്

 ബി.പി.എല്‍ കൂടുംബങ്ങള്‍ക്ക്‌ ഇനി മുതല്‍  250 മീറ്റര്‍ വരെ സൗജന്യ സര്‍വീസ് കണക്ഷന്‍  ലഭ്യമാകും.  സമ്പൂർണ്ണ വൈദ്യുതീകരണ പദ്ധതിയുടെ പൂർത്തീകരണത്തിനു ശേഷം പുതിയ കണക്ഷനുകള്‍ സൗജന്യമായി നല്‍കുവാന്‍ മറ്റു സ്‌കീമുകള്‍ നിലവില്‍ ഇല്ലാത്തതിനാല്‍ 1000 വാട്സ് വരെ കണക്ടഡ്‌ ലോഡുള്ള ബി.പി.എല്‍ കൂടുംബങ്ങള്‍ക്ക്‌ പോസ്റ്റ്‌ ആവശ്യം ഇല്ലാത്ത എല്ലാ കണക്ഷനുകളും, 200 മീറ്റര്‍ വരെ ലൈന്‍ വലിക്കേണ്ടുന്ന പോസ്റ്റ്‌ ആവശ്യമുള്ള കണക്ഷനുകളും സൗജന്യമായി കെ.എസ്‌.ഇ.ബി.എല്‍ തനതു ഫണ്ടുപയോഗിച്ച്‌ നല്‍കി വന്നിരുന്നു.

ലൈന്‍ വലിച്ചു കണക്ഷന്‍ നല്‍കേണ്ട അര്‍ഹതപ്പെട്ട കൂടുതല്‍ അപേക്ഷകള്‍ വരുന്നതു കെ.എസ്‌. ഇ.ബി.എല്‍- ന്റെ ശ്രദ്ധയില്‍പ്പെട്ടതിനെ തുടര്‍ന്ന്‌ 1000 വാട്സ് വരെ കണക്ടഡ്‌ ലോഡുള്ള ബി.പി.എല്‍ കൂടുംബങ്ങള്‍ക്ക്‌ സൗജന്യമായി ലൈന്‍ വലിച്ചു നല്‍കേണ്ട കണക്ഷനുകളുടെ ദൂര പരിധി 200 മീറ്ററില്‍ നിന്നും 250 മീറ്ററായി കൂട്ടിയിട്ടുണ്ട്‌.

പുതിയ കണക്ഷൻ അപേക്ഷാ ഫോമിനൊപ്പം ചേർക്കേണ്ട രേഖകൾ

1. ഐഡൻ്റിറ്റി പ്രൂഫ് (ഏതെങ്കിലും ഒന്ന് )

 

a.ഇലക്ടറൽ ഐഡൻ്റിറ്റി കാർഡ്.

b. ഇന്ത്യൻ പാസ്‌പോർട്ട്.

c.ഡ്രൈവിംഗ് ലൈസൻസ്.

d. റേഷൻ കാർഡ്.

e. ഏതെങ്കിലും സർക്കാർ ഏജൻസി നൽകിയ ഫോട്ടോ ഐഡൻ്റിറ്റി കാർഡ്.  

f.പാൻ കാർഡ്.

e. ആധാർ കാർഡ്.

f.ദേശീയ ജനസംഖ്യ രജിസ്റ്റർ (NPR)കാർഡ്.

g.പഞ്ചായത്ത് അല്ലെങ്കിൽ മുനിസിപ്പാലിറ്റി അല്ലെങ്കിൽ മുനിസിപ്പൽ കോർപ്പറേഷൻ എന്നിവയിൽ നിന്നുള്ള ഫോട്ടോ പതിച്ച തിരിച്ചറിയൽ രേഖ.

 2. ഉടമസ്ഥതയുടെ തെളിവ് (ഏതെങ്കിലും ഒന്ന് ).

a.മുനിസിപ്പൽ കോർപ്പറേഷനോ മുനിസിപ്പാലിറ്റിയോ നൽകിയ  അല്ലെങ്കിൽ

പഞ്ചായത്ത് നൽകിയ ഉടമസ്ഥാവകാശം അല്ലെങ്കിൽ ഒക്യുപൻസി സർട്ടിഫിക്കറ്റ്.

b.യോഗ്യതയുള്ള റവന്യൂ അതോറിറ്റി നൽകിയ ടൗൺഷിപ്പ് / ഉടമസ്ഥാവകാശം അല്ലെങ്കിൽ കൈവശാവകാശ സർട്ടിഫിക്കറ്റ്.

c.ഒരു ഗസറ്റഡ് ഓഫീസർ അല്ലെങ്കിൽ കെഎസ്ഇബി ലിമിറ്റഡ് ഓഫീസർ സാക്ഷ്യപ്പെടുത്തിയ ഭൂമി ഉടമസ്ഥാവകാശ രേഖയുടെ പകർപ്പ്.

 d.റവന്യൂ അധികാരികൾ നൽകിയ ഒരു വർഷത്തിനുള്ളിൽ ഭൂനികുതി അടച്ച രസീതിന്റെ പകർപ്പ്.

 3. ബന്ധിപ്പിച്ച ഉപകരണങ്ങളുടെ വിശദാംശങ്ങൾ കാണിക്കുന്ന സ്കെച്ച്(കെട്ടിട പ്ലാനിൽ അടയാളപ്പെടുത്തിയ വിധത്തിൽ)

 4.അപേക്ഷകൻ ബിപിഎൽ വിഭാഗത്തിൽ പെട്ടയാളാണെന്നതിൻ്റെ തെളിവ്.

 a.തദ്ദേശ സ്ഥാപനത്തിൽ നിന്നുള്ള BPL സർട്ടിഫിക്കറ്റ്.

 b.റേഷൻ കാർഡ്-വൈദ്യുതീകരിക്കാത്ത വീടുകൾക്ക്.

 ശ്രദ്ധിക്കുക: ഈ കണക്ഷൻ വീട് പണി പൂ ർത്തിയാക്കിയ കുടുംബങ്ങൾക്ക് മാത്രം ബാധകമാണ്.നിർമാണ ആവശ്യത്തിന് ലഭിക്കുന്നതല്ല.